很久沒有做外賣服務了~ 今天為了教會安息日學的訓練班做午飯。
我只用了約300元，就有一個好豐富，夠足30人食的午餐了!
包括整了盆菜。因為每樣食物買少少已經好多，所以共切了三盆 (兩大一小)
當然，話事人是食素的，我當然整全素的盆菜啦! 不過都唔少野的!
有素蝦、海篸、鮑魚、支竹、雞、鴨、麗芋... 好味到震!!!!
因為我買了一個新的靚盆，都要切個小盆菜來影相。
見小朋友多，又玩多一次朱古力火鍋。
今日我好自豪，因為我買的是又平又靚的士多啤梨。
10元2盒! 仲要係平時百佳賣11-12元果款!!!!!
今次有士多啤梨、菠蘿和蜂蜜蛋糕。
好滋味，不過食唔晒... 今晚阿紅又可以同班 FRIEND食
唔該晒~
今日好滿意!! 亦好開心~~ 呵呵!!!
其中一味叫素帶子炆冬菇扒生菜。極好味!!
當然要多謝燒肉又切到碟菜好靚仔啦~ 我一定無咁的耐性。
材料:
冬菇15朵
素帶子1包
唐生菜1斤
調味:
蒜容 1湯匙
素蚝油 2湯匙
水/雞湯 1杯
製法:
1. 用凍開水把冬菇浸軟，去蒂 (盡量保持整粒冬菇的形狀)
2. 用油爆香蒜容，落冬菇，素蚝油和半杯水。蓋上鑊蓋中火煮約十分鐘。(小心無水，看火!!)
3. 加入素帶子，下半杯水，蓋上鑊蓋煮至大部份水份蒸發，上碟。
4. 白灼唐生菜 (不宜過熟，灼前在水加入小量鹽和油更好味)
5. 將唐生菜墊底，放上冬菇及素帶子上碟。
6. 如要一個酒樓上菜的效果，可以用素蚝油，豆粉煮一個汁放上碟。
前幾日我在齋鋪買了一包$30的素羊腩。
於是我今日買來了馬蹄、支竹和南乳整羊腩煲。
雖然是素羊腩，但整完個口感非常好，
特別如果你一向不吃羊的人，這個更是一個好有真羊腩煲FEEL的羊腩煲。
不過，因為我放了個相機在OFFICE，用電話影的相就差DD了!
下次再整的時候再影過。
材料: (6人份量)
素羊腩 1包
支竹 15元 (豆腐鋪買已發好的又可以，買1包乾的又可以)
馬蹄 1包 (有時菜檔有些已切已洗的真空包裝，可以是懶人必選的項目)
南乳 3元1包 (雜貨鋪買了)
薑 2大片
蒜頭 4大塊
蔥段 適量
辣椒仔 1條
方法:
1. 將素羊腩解凍備用。
2. 燒紅鑊下油，爆香薑、蒜和蔥，略炒半腩。
3. 加入南乳和約3碗水，蓋上鑊炆半小時。(若有乾水情況，可加水)
4. 加入馬蹄及支竹再炆10分鐘即可上碟。
P.S. 在於我來說，我比較懶和即興，放工後亦很難買好菜，所以我通常會選擇買懶人材料。例如已發好的支竹，可雪藏的素肉，已切已洗好的馬蹄。當然，我也承認味道上未必最新鮮，但.... 整體上，OK的。有要求的人，便要做得好D了!
今天與老朋友聚舊，他送我一本雜誌 “Vegetarian living"
其實說來也有點不好意思。因為我還未是100﹪ VEGETARIAN，
在忙的時候更不會是VEGETARIAN。
當你沒有時間自己煮飯，要出街吃／朋友幫你叫外賣的時候
我的腦會一片空白，不知可以吃甚麼素菜。
其實我經常提自己要改變，
希望新學年我可以做好一點吧！
這本雜誌有很多RECIPE，亦有很多健康飲食的資訊 （英國出的）
如果有興趣，可以去他們的網頁看看的
